Խաչի օծման արարողություն Փոքր Գոնդուրա գյուղում

Օգոստոսի 13-ին Նինոծմինդայի մունիցիպալիտետի Փոքր Գոնդուրա գյուղում տեղի ունեցավ դեռևս ապրիլ ամսին տեղադրված 8 մետրանոց խաչի հանդիսավոր բացման արարողությունը:

Խաչը տեղադրվել էր Արարատ Տոներյանի նախաձեռնությամբ և ֆինանսական աջակցությամբ: Արարատ Տոներյանը ծնունդով Փոքր Գոնդուրա գյուղից է և այժմ ապրում է Ռուսաստանում:

Խաչի օծման արարողությունը իրականացրեց քահանա Տեր Արմաշ Պողոսյանը: Տեղում կատարվեց նաև խաղողի օրհնման ծիսակարգ, քանի որ խաչի բացման արարողությունը համընկավ Սուրբ Աստվածամոր վերափոխման կամ Խաղողօրհնեքի տոնի հետ: Այնուհետև օրհնված խաղողը բաժանվեց ներկաներին:

Խաչի բացման արարողությանը մասնակցում էր նաև Նինոծմինդա քաղաքի Մշակույթի կենտրոնի պարի անսամբլը:

Արարատ Տոներյանը իր խոսքում նշեց, որ խաչը տեղադրել է գյուղացիների համար: Նրա խոսքով` այն նրանց կպաշտպանի չարից և փորձություններից:
Արարողության ավարտին հյուրերին և գյուղի բնակիչներին մատաղ բաժանվեց:

Մանրամասները դիտեք տեսանյութում.

Գարուշ Արզումանյան