Վրաստանում մասնակիցների 10% -ը լքել է կուտակային կենսաթոշակային համակարգը

2019 թ. հունվարից «Կուտակային կենսաթոշակային համակարգից » դուրս եկած մարդկանց թիվը կազմում է մոտ 10%: Կենսաթոշակային հիմնադրամի ղեկավար Լեւան Սուրգուլաձեի խոսքով, այս գործընթացի ինտենսիվությունը նվազել է:

Ապրիլի 1-ից մինչեւ մայիսի 31-ը կենսաթոշակային համակարգը կարող էին լքել այն մարդիկ, որոնց 40 կամ ավելի տարին լրացել էր 2018 թ. օգոստոսի 6-ից հետո: Ընդհանուր առմամբ, որոշակի փուլում համակարգը լքելու իրավունք ուներ 294.9 հազար մարդ: Ցանկացողները կարող էին համապատասխան դիմում ներկայացնել Կենսաթոշակային գործակալության գրասենյակի կամ Սոցիալական ծառայությունների գործակալության մասնաճյուղերում:

Պաշտոնական տվյալներով, կենսաթոշակային հիմնադրամի հաշիվներում արդեն իսկ 240 միլիոն լարի է մոբիլիզացվել:

«Հանրային հատվածից ելքի ինտենսիվությունը նվազել է եւ գրեթե հասել է զրոյի: Սիստեմից շատ մարդ դուրս եկել մասնավոր հատվածից », – նշել է Սուրգուլաձեն: Վերջին շրջանում, ըստ նրա, համակարգը ավելի քիչ սկսել են լքել մասնավոր հատվածի աշխատողները:

Ինչպես ավելի վաղ հայտարարել էր Կենսաթոշակային հիմնադրամի ղեկավարը, բարեփոխումը երկու հիմնական նպատակ ունի: Նրանցից մեկը երկարաժամկետ է եւ ենթադրում է ֆինանսական աջակցություն կենսաթոշակային տարիքի հասած քաղաքացիների համար, որպեսզի նրանք ունենան արժանապատիվ կյանքի հնարավորություն: Երկրորդը՝ տեղական շուկայի կապիտալի զարգացումն է: Ըստ Սուրգուլաձեի, առաջիկա երկու տարիների ընթացքում կենսաթոշակային խնայողությունները կկազմեն առնվազն 1,5 մլրդ լարի (մոտ 549 մլն դոլար), վեց տարի հետո՝ մոտ 5 մլրդ լարի (1,83 մլրդ դոլար), որի 80%-ը կծառայեն երկրի տնտեսության համար:

Վրաստանում Կուտակային կենսաթոշակային համակարգը գործարկվել է հունվարի 1-ից: Ըստ մշակված սխեմայի, 24 հազար լարի (մոտ 9 հազար դոլար) տարեկան նոմինալ եկամտի դեպքում աշխատավարձի 6% -ը կփոխանցվի քաղաքացու կենսաթոշակային հաշվին՝ 2% -ը կվճարի անձամբ աշխատողը, 2% -ը՝ գործատուն եւ եւս 2%-ը պետությունը: 24 հազարից մինչեւ 60 հազար լարի (մոտ 23 հազար դոլար)տարեկան աշխատավարձի դեպքում, պետությունը կփոխանցի ընդամենը 1%:

---

---