Անցկացվեց շախմատային մրցաշար Նինոծմինդայում
Նինոծմինդայի մունիցիպալիտետում անցկացվեց շախմատի մրցաշար, որին մասնակցեցին 32 հոգի:
Խաղը կայացավ շախմատային խմբակի շրջանավարտների և ներկայիս աշակերտների մասնակցությամբ 25 տարեկանների խմբում: Մասնակիցներից երկուսն աղջիկներ էին: Խաղը կայացավ երկու փուլով: Առաջին փուլը անցկացվեց օլիմպիական համակարգով, իսկ երկրորդ փուլը կայացավ չորս խաղացողների միջեւ:
Մրցաշարում առաջին հորիզոնականը գրավեց Կամո Համբարյանը, երկրորդ հորիզոնականը՝ Դավիթ Սահակյանը, իսկ երրորդ հորիզոնականը՝ Հովհաննես Պոդողլյանը: Մրցաշարի նպատակը շրջանում շախմատի զարգացումն է: Շախմատի խմբակի մարզիչ Յուրա Կույումչյանը մեզ հետ զրույցում նշեց, որ ցանկանում են այս մրցաշարը դարձնել ամենամյա:
Մրցանակային տեղեր գրաված մասնակիցները ստացան մեդալներ եւ պատվոգրեր:
Անահիտ Զալալյան
Opinion, pooling and voting
