Ամանորին ընդառաջ. Պատրաստում ենք իշլի քյուֆթա
Իշլի քյուֆթայի վրայի շերտը պատրաստելու համար օգտագործում ենք 500 գր տավարի անյուղ միս, որին ավելացնում ենք 500 գր բլղուր, աղում միասին, ապա համեմում կարմիր պղպեղով, աղով, ավելացնում նաև քիմիոն, բահար:
Իշլի քյուֆթայի միջուկը պատրաստելու համար յուղով տապակում ենք կտրտած կամ աղացած գլուխ սոխը մոտ 3 հատ, 1կգ տավարի անպայման յուղոտ միս, կարմիր պղպեղ, աղ և ցանկության դեպքում ավելացնում նաև մանրացված ընկույզ, նաև՝ կանաչի:
Երբ արդեն պատրաստ է միջուկի և վերին շերտի միսը, հարկավոր է բլղուրով մսի զանգվածից գնդեր պատրաստել և լցոնել միջուկով՝ տալով կիտրոնի տեսք: Իշլի քյուֆթան խաշելուց հետո սովորաբար մատուցում են կիտրոնով:
Բարի ախորժակ