Հոբելյանական երեկո՝ նվիրված Անժելա Ղարսլյանին
Նոյեմբերի 9-ին Նինոծմինդա քաղաքի երաժշտական դպրոցում կայացավ սոլֆեջոյի վաստակաշատ ուսուցչուհի Անժելա Ղարսլյանի 70-ամյակին նվիրված հոբելյանական երեկո: Հոբելյարին շնորհավորելու էին եկել նրա կոլեգաները, աշակերտները քաղաքապետարանի մշակույթի և սպորտի ծառայության ղեկավար Ժորա Սնխչյանը:
Ներկաները շնորհավորանքի գեղեցիկ խոսքեր հնչեցրին հոբելյարի հասցեին:
Իր շնորհավորական խոսքում երաժշտական դպրոցի տնօրեն Վարդուհի Փութուլյանը նշեց, որ Անժելա Խաչատուրովնան անթերի է թե տանը, թե աշխատանքի մեջ, և շատերը պետք է նրանից օրինակ վերցնեն:
Հոբելյարին շնորհավորեց քաղաքապետարանի մշակույթի և սպորտի ծառայության ղեկավար Ժորա Սնխչյանը և նրան հանձնեց մրցանակ և դիպլոմ բացառիկ աշխատանքային գործունեության համար:
Անժելա Խաչատուրի Ղարսլյան-Մամջյանը ծնվել է 1948 թ. Թբիլիսի քաղաքում: Դպրոցն ավարտելուց 2 տարի հետո, 1968թ. ընդունվել է Պալիաշվիլիի անվան երաժշտական ուսումնարանի սոլֆեջոյի բաժինը:
Ուսումնարանն ավարտելուց հետո 1971թ. Անժելա Ղարսլյանը փորձել է աշխատանքի անցնել Դուշեթիի շրջանում, իսկ նրա հեռավոր բարեկամուհին նրան խորհուրդ է տվել աշխատել Բոգդանովկայում:
Արդեն 47 տարի է նա աշխատում է Նինոծմինդա քաղաքի երաժշտական դպրոցում: Այժմ դպրոցում դասավանդում է սոլֆեջո:
Անահիտ Զալալյան
Opinion, pooling and voting
