«1+4»-ի ուսանողների համար մեկնարկում է ստաժավորման աշնանային փուլը

«1+4»-ի ուսանողների համար մեկնարկում է ստաժավորման աշնանային փուլը

Հոկտեմբերի 8-ին մեկնարկում է վրացերեն լեզվի «1+4» ծրագրից օգտվող ուսանողների ստաժավորման ծրագրի աշնանային փուլը: Հաշտեցման և քաղաքացիական հավասարության հարցերով պետական նախարարությունից հայտնում են, որ 2018-ի աշնանային ընդունելության համար 500 թափուր տեղ է սահմանված:

Գերատեսչության տեղեկատվությամբ, ծրագիրն իրականացվում է 2017-ից՝ պետնախարար Քեթևան Ցիխելաշվիլիի նախաձեռնությամբ: «1+4» ծրագրով վրաստանյան բուհերում սովորող էթնիկ փոքրամասնությունների ներկայացուցիչ քաղաքացիները հնարավորություն են ստանում ստաժավորում անցնել երկրի պետհաստատություններում (կենտրոնական և տեղական ինքնակառավարման մարմիններում):

Նշվում է, որ ստաժավորման գործընթացն անցնելու է մրցույթային կարգով: Դիմումներն ընդունվում են մինչև հոկտեմբերի 22-ը, փոխանցում է Ալիք Մեդիան՝ հղում կատարելով interpressnews-ին։