Մոսկվան չի բացառում Վրաստանի և Ռուսաստանի առաջնորդների հանդիպումը

Մոսկվան չի բացառում Վրաստանի և Ռուսաստանի առաջնորդների հանդիպման հնարավորությունը։ Այս մասին Ռուսաստանի հետ հարաբերությունների գծով Վրաստանի վարչապետի հատուկ բանագնաց Զուրաբ Աբաշիձեի հետ հանդիպման ավարտին հայտարարել է Ռուսաստանի փոխարտգործնախարար Գրիգորի Կարասինը։

Նա նշել է նաև, որ կողմերն արդեն նախապատրաստվում են այդ հանդիպմանը։

«Նման հանդիպում հնարավոր է կազմակերպել, սակայն դրա համար անհրաժեշտ է աշխատել, պատրաստվել, որպեսզի երկու երկրների առաջնորդներն արդյունավետ հանդիպում ունենան: Մենք արդեն աշխատում ենք այդ ուղղությամբ»,- հայտարարել է Կարասինը:

Հիշեցնենք, որ Պրահայում տեղի է ունեցել Ռուսաստանի հետ հարաբերությունների գծով Վրաստանի վարչապետի հատուկ բանագնաց Զուրաբ Աբաշիձեի և ՌԴ-ի փոխարտգործնախարար Գրիգորի Կարասինի հանդիպումը։

www.aliq.ge