«Փարվանա» անսամբլը մասնակցեց «Բարեկամության կամուրջ» փառատոնին

Նինոծմինդա քաղաքի Մշակույթի կենտրոնի «Փարվանա» անսամբլը հուլիսի 5-ին մասնակցեց Բաթումիում կայացած «Բարեկամության կամուրջ» փառատոնին: Անսամբլը փառատոնին հանդես եկավ «Քարավան», «Յարխուշտա», «Էթնոս» պարային համարներով: Փառատոնի մասնակիցներին ուղեկցում էին պարուսույցներ Զեփյուռ Ղարսլյանը, Գայանե Ղարսլյանը և Սևակ Բդոյանը:

Փառատոնին մասնակցում էին անսամբլներ Վրաստանի տարբեր շրջաններից: Փառատոնը կազմակերպել էր «Team Travel» ընկերությունը:

Նինոծմինդացի մասնակիցներին հանդիսատեսը շատ ջերմ ընդունելություն է ցույց տվել: Պարուսույցների խոսքով՝ փառատոնը կազմակերպված է եղել շատ բարձր մակարդակով:

Փառատոնի բոլոր մասնակիցներին տրվել են դիպլոմներ և գավաթներ: