Գորիում հագուստի խանութից գողացել են պարտքերի տետրը

Վրաստանի Գորի քաղաքի հագուստի խանութներից մեկում գողություն է կատարվել: Դեպքը, ամենայն հավանականությամբ, տեղի է ունեցել հունիսի 7-ի գիշերը: Տեղեկացնում է Ալիք Մեդիա լրատվականը՝ հղում կատարելով Imedinews-ին:

Դեպքի վայր են ժամանել իրավապահները: Ինչպես պարզ է դարձել, գողացել են միայն պարտքերի տետրը:

Վրաստանի ներքին գործերի նախարարության տեղեկատվության համաձայն՝ գործ է հարուցվել քրեական օրենսգրքի 177-րդ հոդվածի Բ կետով (գողություն):