Աշակերտների 12%-ը չի կարողացել հանձնել քննությունը «Մաթեմատիկա»առարկայից

Աշակերտների 12%-ը չի կարողացել հանձնել քննությունը «Մաթեմատիկա»առարկայից

Քննությունների ընդունման ազգային կենտրոնի տվյալներով Վրաստանի հանրակրթական դպրոցների աշակերտների 12 տոկոսը չի կարողացել հանձնել քննությունը մաթեմատիկա առարկայից:

Ըստ կենտրոնի տվյալների՝ քննական շեմը հաջողությամբ հաղթահարել են աշակերտների 88%-ը: Այսպիսով, ավարտական դասարանների աշակերտների համար քննությունների հանձնումը ավարտվեց:

Հիշեցնենք, որ քննությունները սկսվել էին մայիսի 20-ին: Քննությունների արդյունքները այսպիսին են՝ «Պատմություն» առարկայի քննությունը չեն կարողացել հանձնել 12-րդ դասարանի աշակերտների 4 տոկոսը, «Օտար լեզու» առարկայի քննությունը չեն կարողացել հանձնել աշակերտների 11 տոկոսը, «Վրաց լեզու և գրականաություն» առարկայի քննությունը չի կարողացել հանձնել աշակերտների 3 տոկոսը:

Այս տարի քննությունները գնահատվեցին ոչ թե բալային համակարգով, այլ աշակերտները պետք է հաղթահարեին քննության սահմանված նվազագույն շեմը: