2018 թ․ Վրաստանն ակնկալում է տուրիզմից ստացված եկամուտը հասցնել 3 մլրդ-ի

2018 թվականի առաջին 3 ամիսների ընթացքում Վրաստանում զբոսաշրջությունից ստացված եկամուտը կազմել է ավելի քան կես մլրդ ԱՄՆ դոլար, ինչը նախորդ տարվա նույն ժամանակահատվածի համեմատ ավելի է 31.3 տոկոսով: Այս մասին տեղեկացնում է «Իմեդի» հեռուստաընկերությունը:

Միայն մարտ ամսվա ընթացքում տուրիզմից ստացված եկամուտն աճել է մինչև 237 մլն դոլար, ինչը 2017թ․ սեպտեմբերից հետո ամենաբարձր ցուցանիշն է համարվում: Այսպիսին են Վրաստանի Կենտրոնական բանկի վիճակագրական տվյալները:

Կենտրոնական բանկի համաձայն, 2018-ի հունվար-մարտ ամիսների ընթացքում տուրիզմից ստացված եկամուտը կազմել է 561 մլն դոլար:

2017թ․ ընթացքում տուրիզմից Վրաստանը ստացել է 2,753 մլրդ դոլար: Այս տարի փորձագետներն ակնկալում են, որ այս թիվը կհասնի մինչեւ 3 մլրդ:

www.aliq.ge